Gilfélagið

Fornleifar á Gásum skoðaðar

karen — Wed, 10 Jun 2009 19:56:00 +0000

Í dag var margt á döfinni hjá ferðalöngunum um framandi heima. Gerðar voru myndasögur, ljóð og teikningar og lesið var um norræn goð. Eftir hádegi var keyrt að Gásum og Þóra Pétursdóttir fornleifafræðingur tók á móti þeim með góðum upplýsingum um fornleifarnar og sögu staðarins. Alheimur, fréttateymið á námskeiðinu birti viðtöl sín í svæðisútvarpi norðurlands og fóru einnig í heimsókn á fréttamiðilinn akureyri.net. Hér má sjá umfjöllun og viðtal við nokkur þeirra hjá akureyri.net: http://www.akureyri.net/frettir/2009/06/10/hressir-krakkar-i-starfskynningu-a-akureyrinet/ og hér má heyra viðtölin hjá svæðisútvarpinu í dag: http://dagskra.ruv.is/akureyri/4459800/2009/06/10/13/Á morgun hittum við Þóru fornleifafræðing aftur og aðstoðum við uppgröft. Mæting í Laxdalshús kl. 10 með hlýjan fatnað og góða skó.

Landnámi á Hjalteyri lokið

karen — Tue, 09 Jun 2009 20:40:44 +0000

Þá er seinni dagur landnámsins á Hjalteyri á enda. Verkefnin voru kláruð og siglingakeppni bátasmiðanna knáu fór fram. Krakkarnir á fjölmiðlavakt Alheims héldu sinn fyrsta ritstjórnarfund og í framhaldi tóku fyrstu fréttaviðtölin á ferðalaginu um framandi heima. Þau vinna úr viðtölum sínum hjá RUV Útvarpi Norðurlands í fyrra málið og verður því útvarpað í dagskrá svæðisútvarpsins á morgun. Síðar má nálgast fréttina þeirra á www.ruv.is .

Hittumst í Laxdalshúsi kl. 10 í fyrramálið og klædd eftir veðri.

Frábær dagur á Hjalteyri

karen — Mon, 08 Jun 2009 21:32:56 +0000

Ferðalagið um framandi heima og landnám dagsins tókst vonum framar. Þórarinn Blöndal og Gústav Geir Bollason tóku vel á móti hópnum með skemmtilegum verkefnum og Ágúst Ólafsson hjá RUV á Norðurlandi fræddi fjölmiðlafræðinga framtíðarinnar í Alheimi um hvernig gott útvarpsfólk vinnur. Hér eru á ferðinni dugmiklir og skemmtilegir krakkar.

Mætum aftur í fyrramálið við Laxdalshús kl. 10:00. Rútan leggur af stað 10:10.